SERAT WULANGREH PUPUH PANGKUR

a.    Pengertian Tembang Macapat

Tembang Macapat inggih menika reriptan utawi dhapukaning basa mawi paugeran tartamtu. Paugeran kasebat inggih menika :

1.     Guru Gatra = Cacahing gatra saben sapada (Banyaknya baris dalam tiap bait)

2.     Guru Wilangan = Cacahing wanda saben sagatra (Banyaknya Suku kata tiap baris)

3.     Guru Lagu = Dhawaning swanten vocal ing pungkasaning gatra  (Guru vocal di akhir kalimat seperti A,I,U.E,O)

b.   Urutan Tembang Macapat

1)        Maskumambang (nalika manungsa ana ing rahim/ dalam kandungan)

2)        Mijil (lahir)

3)        Sinom (nom/enom/muda)

4)       Kinanthi (dikantheni, digadhang-gadhang, dituntun kepiye carane urip ing donya)

5)        Asmaradana (mengalami jatuh cinta)

6)        Gambuh (jumbuh, cocok, sarujuk, banjur berkeluarga)

7)         Dhadanggula (senang, nalika sukses, seneng nglakoni urip)

8)        Durma (berderma, memberi, weweh)

9)        Pangkur (mungkur, alon-alon nyepake sangu kanggo ninggalake donyamenghadapi akhirat)

10)    Megatruh (merpisahnya ruh/meninggal)

11)    Pocung (dibungkus seperti pocong)

 

A      Serat Wulangreh

Serat Wulangreh iku siji saka ewoning kasusastran Jawi kang ana. Saliyane Serat Wulangreh, uga ana Serat Wedhatama anggitane KGPAA Mangkunegara IV, Serat Kalatidha anggitane R. Ng. Ranggawarsita, lan liya-liyane.

Serat Wulangreh iku ngemu 13 pupuh tembang, yaiku; Dhandhanggula 8 pada, Kinanthi 16 pada, Gambuh 17 pada, Pangkur 17 pada, Maskumambang 30 pada, Duduk Wuluh/ Megatruh 17 pada, Durma 12 pada, Wirangrong 27 pada, Pocung 22 pada, Mijil 25 pada, Asmaradana 26 pada, Sinom 33 pada, lan Girisa 25 pada.

Piwulang ing Serat Wulangreh iku maneka warna. Pustaka kang ditulis dening Sunan Pakubuwana IV arupa tembang iku ing saben pupuh tembange isi piwulang kang piguna kanggo sing gelem maca. Isi piwulange yaiku:

1) pupuh Dhandhanggula isine bab carane milih guru;

2) Pupuh Kinanthi isine bab cara srawung utawa milih kanca;

3) Pupuh Gambuh isine larangan duwe watak adigang, adigung, adiguna;

4) Pupuh Pangkur isine bab tata krama, mbedakake ala lan becik, sarta cara ndeleng watake manungsa;

5) Pupuh Maskumambang isine bab carane nyembah;

6) Pupuh Dhudhuk Wuluh isine cara ngawula marang raja,

7) Pupuh Durma isine cara ngendhaleni hawa nepsu;

8) Pupuh Wirangrong isine bab ala becike perilaku;

9) Pupuh Pocung isine cara nyambung paseduluran lan mangerteni isining wacan;

10) Pupuh Mijil isine bab cara pasrah lan sukur;

11) Pupuh Asmaradana isine bab nindakake ajaran agama;

12) Pupuh Sinom isine bab dhasar-dhasaring tingkah laku;

13) Pupuh Girisa isine pesen sarta donga Sang Pujangga.

B.    Pangripta Serat Wulangreh

Serat Wulangreh karipta dening swargi (Almarhum) Sri Susuhunan Pakubuwana IV kang jumeneng ing Keraton Surakarta Adiningrat (1788-1820). Jejuluk (gelar) jangkebe panjenengan dalem nalika jumeneng nata yaiku Sampeyan Dalem Ingkang Sinuwun Kanjeng Susuhunan Pakubuwana Senapati Ing Alaga Ngabdurrahman Sayidin Panatagama Kalifatullah IV.

Nalika isih timur kaparingan asma Raden Mas Subadya. Panjenengan dalem wiyos (lair) ing Surakarta tanggal 2 September 1768. Banjur jumeneng nata 29 September 1788 lan seda 2 Oktober 1820. 

c.    Serat Wulangreh Pupuh Pangkur

Salah sijine pupuh tembang ing Serat Wulangreh yaiku pupuh tembang Pangkur. Tembang Pangkur iku guru gatrane 7. Dene guru wilangane yaiku; 8, 11, 8, 7, 12, 8, 8. Menawa guru lagune yaiku; a, i, u, a, u, a, i. Tembang Pangkur iku awatak sereng, kereng, nepsu, antepan ati, lan gagah, mula lumrah kanggo nyritakake rasa kagol, mangkelake, pitutur kang disebabake rasa mangkel, lan uga kahanan paprangan. Dene sasmitane yaiku pangkur, wuntat, pungkur, ungkur, lan yudakenaka.

Tembang Pangkur ing serat Wulangreh ana 17 pada. Wewataking manungsa kang pinter bodho, luhur asor, mlarat sugih, ngulama maksiyat, kendel jirih, lanang wadon padha bae bisa katitik saka anggone laku, linggih, solah, muna lan muni. Jaman samengko bakal akeh wong kang darbe watak drengki, srei, dora, iren, meren, dahwen, panasten, open, lsp. Mula saka iku nyinau serat Wulangreh iki diajab ora nduweni sipat utawa watak kang kaya mangkono. Ngudia lelabuhan kang bisa dadi patuladhan, patut diturut.

D.  Cakepan Serat Wulangreh Pupuh Pangkur

Pada 1

Sekar Pangkur kang winarna,

lelabuhan kang kanggo wong ngaurip,

ala lan becik puniku,

prayoga kawruhana,

adat waton puniku dipunkadulu,

miwah ingkang tata krama,

den kaesthi siyang ratri.

b.      Negesi Tembung Tembang Pangkur pada 1

No.	Tembung	Krama	Tegese	Indonesia
1.	sekar	sekar	tembang	tembang, lagu
2.	winarna	dipuncariyosaken	dicritakake	diceritakan, dikisahkan
3.	lelabuhan	lelabetan	tandang gawene, lelabuhane	pengabdian, tingkah laku
4.	prayoga	prayogi	tumindak kang luwih becik	bijak, memutuskan yg terbaik
5.	kawruhana	kawruh, ngelmi	ngertenana	pahamilah
6.	dipunkadulu	dipunkadulu	dipahami bedane	tahu perbedaannya, dimangerteni
7.	kaesthi	dipunesthi	diudi, digegulang	diperhatikan, dipegang teguh
8.	ratri	dalu	wengi	malam

 Negesi saben gatra/larik/baris

Gatra 1: Sekar Pangkur kang winarna à tembang Pangkur kang nyritakake /ngomongake

Gatra 2: lelabuhan kang kanggo wong ngaurip à paugeran tumindak kanggo wong urip

Gatra 3: ala lan becik puniku à ala lan becik iku

Gatra 4: prayoga kawruhanaà luwih apik disinaoni/dimangerteni

Gatra 5: adat waton puniku dipunkadulu à aturan (norma) kudu dingerteni

Gatra 6: miwah ingkang tata karma à uga kalebu tata krama

Gatra 7: den kaesthi siyang ratri à dilakoni esuk lan wengi

d.      Parafrase tembang Pangkur pada 1

Parafrase Basa Jawa	Parafrase Basa Indonesia
Wewarahing/ piwulang paugeran (pedoman) kanggo wong urip iki kaemot (dimuat) mawa tembang Pangkur, alan lan becik, adat waton (norma/aturan/tata tertib), lan tata krama prayogane kokmangerteni, sarta kudu kokcakake (kau terapkan/ kau laksanakan) ing wayah awan lan bengi.	Nasehat ini dimuat dalam tembang Pangkur, seyogyanya kau memahami hakikat pengabdian bagi kehidupan, tentang baik dan buruk perlu kau ketahui Pahami pula adat dan aturan serta siang malam jangan kau lupakan tata krama tersebut.

 

e.       Isi tembang Pangkur pada 1

Wong urip iku kudu bisa mbedakake lan mangerteni “ala” lan “becik”, sarta tansah ngecakna “tata karma”.